emy
مشرفة المنتدى العام
 عدد الرسائل: 17
العمر: 20
تاريخ التسجيل: 14/04/2008
 |  موضوع: عمنا صلاح جاهين  الأحد 20 أبريل 2008, 9:42 pm | |
| انا شخصيا بحب رباعيات صلاح جاهين
جدا فاسمحولي اختار بعض منها
واعرضها عليكو أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
وللرباعيات بقية ان شاء الله
|
|
hamidelraay
المدير العام
 عدد الرسائل: 212
العمر: 20
تاريخ التسجيل: 06/04/2008
| | موضوع: رد: عمنا صلاح جاهين الإثنين 21 أبريل 2008, 12:35 am | |
| شكرا يا ايمى على موضوعك الجميل
|
|
رحيل
مشرفة المنتدى الاسلامى
عدد الرسائل: 147
تاريخ التسجيل: 09/04/2008
| |
emy
مشرفة المنتدى العام
عدد الرسائل: 17
العمر: 20
تاريخ التسجيل: 14/04/2008
| | موضوع: رد: عمنا صلاح جاهين الأربعاء 23 أبريل 2008, 5:06 pm | |
| مشكورة اختي رحيل علي مرورك |
|
